نشيد أحب أبي .. الصف الأول

أحب أبي .. لأن أبي
عطوف .. طيب القلب
وفي صحوي .. وفي نومي
أغني .. عشتي يا أمي
و تحكي .. لي معلمتي
فيحلو .. دائماً وقتي

******
استمع إلي النشيد مغني هنا

تصميم لرصد و تجميع ملف الانجاز للمرحلة الابتدائية

اذا كنت مدرس للمرحلة الابتدائية
و كنت تعاني من تجميع درجات ملف انجاز التلاميذ
اذا كنت مدرس للمرحلة الابتدائية
و كنت تعاني من تجميع درجات ملف انجاز التلاميذ
فها هو تصميم بسيط على برنامج الاكسيل
كل ما عليك ان تدخل الدرجات الأفضل لتلاميذك في الثلاث فروع لشهور الترم
و سوف يقوم التصميم باعطائك مجموع الفروع الثلاثة أولاً
و يقوم بقسمتها على اربعة لاعطائك متوسط درجات التلميذ في كل فرع
و اخيرا يقدم لك المجموع الكلي لكل تلميذ

متنساش درجات السلوك ، ادخلها في مكانها و سيضيفها النموذج طلقائيا للمجموع الكلي

اتمنى ان ينال التصميم اعجابكم و يسهل عليكم الامر

Download

Download the file here

عيد الحب و امنيات تلاميذ فصل 6/1

النهاردة كان الفالانتين داي
و كنا في الحصة الاخيرة و الساعة كانت بقت 5 مساءاً
و الولاد خلاص بقي و انا كمان
و كان عندنا حصة موسيقى اقترحنا اننا نحتفل سوا بالفالانتين
قولنا نغني لقيت كل واحد عاوز يغني
و كأن الفصل بقي عبارة عن ستار ميكر او حتى استار اكاديمي
و كمان مش دي المشكلة
المشكلة في اختيارات الولاد
اللى عاوز يغنى اركب الحنطور او العنب او بحبك يا دونكي


المهم قولتلهم لاء قافلوا على موضوع الغنا ده
كل واحد يطلع ورقة و قلم و يكتب امنية بيتمنى انها تتحقق له و ميكتبش اسمه
و جمعنا كل الورق و لغبطناه
وقعدت اقرا لهم كل الامنيات ... بجد انا محستش الاحساس دة
الولاد عندهم مشاعر حلوة قوي
و هكتبلكم هنا احلي الامنيات و كمان اطرفها و اغربها طبعاً

طبعا كان فية امنيات كتير تقليدية
زي اللى بيتمني ينجح و يبقي مش عارف اية لما يكبر و يخدم بلده و كده
يعنى الكلام اللى الولاد بيسمعوه او بيقروه

بس اولاً هعرض اكتر تعليقات حسيت انها عاطفية قوي و الولاد اللى كاتبنها عندهم شاعر و كده و عيال بتحس

اه انا هكتب كلام الولاد زيي ماهو بدون تصيح املائي
====================================
1 : يا رب أنا نفسة اخي يارجع بالسلامة من أطالياه و شكرا

2:نفسي بابا و ماما يعيشو العمر كله و يشاهدوا أولادي و بناتي

3: نفسي لما أكبر يكون عندى مصنع شيكولاته كبير هلشان انا بحب الشيكولاته جدا و نفسي كمان يكون عندي محل ورد كبير جدا لأن الورد بيعبر عن اللي بداخل الانسان دون ان يتكلم

4: ربنا يكمل لاختي على خير و ربنا يشفي والدتي


اما بخصوص اطرف الامنيات فها هي

1: نفسي ادخل الجنة و اشوف الرسول و بني جامع و مستشفي و مدرسة و ان اصيف شهر في جمسة

2: نفسي اكون لاعيب كورة

3: نفسي اطفش من المدرسة بالفيها

4: نفسي اكون مغني

5: أنة أنة اضلع ضابط و أجتهد و أنة أزوج و أخلف أولاد و أبئا غني

اما اغرب امنية بقا فكانت دي

نفسي أولادي يطلعوا دكترة

بجد بجد انا بقيت مستغرب جدا لما قريت الامنية دي ... ازاي طفل او طفلة بدل ما يحلم او يتمني لنفسة و انه يرسم مستقبلة بيفكر ف اولادة ... يعني المفروض انه يتمني يكون في المستقبل اية و يحلم لنفسة قبل ما يحلم لاولادة ... بجد امنية غريبة

عموما قضينا وقت جميل سوا و فعلا قولنا امين على كل الامنيات دي انها تتحقق

شكرا فصل سنة 6/1

الطالبة المثالية

الاسم : دينا السعيد
تاريخ الميلاد : 10/10/1994
مدرسة : الشهيد النجار 1
الصف : السادس

نفسي لما أكبر أكون صحفية علشان أقول رأي بمنتهى الصراحة و الجرأة و فكرتفي الأول انى أكون مهندسة ديكور أو دكتورةو لكني رأيت اننى لن استطيع أن اعبر عن رأيي بصراحة و ان رايي سيقتصر على المكان الذي اعمل فيه و لا احد سيسمعني و رايت عندما اكون انشاء الله صحفية سأدخل في كل المجالات هندسة و طب و جميع المجالات


هواياتي : القرأة و التلوين

اما بخصوص انى بقيت طالبة مثالية ازاى فصراحة مش عارفة و مش هقول زي ما الكل ما بيقول بالجد و المذاكرة و لا تؤجلعمل اليوم الى الغد و لكني صراحة لا اعرف كيف أصبحت طالبة مثالية
و شكرا

زيارة الى مدرسة الفتح

كتبته / دينا السعيد

.

.

ذهبت انا و مجموعة من أصدقائي لزيارة مدرسة الفتح الابتدائية لتبادل الزيارة و المعلومات و كان معنا ا/ سامية و ا/ محمد ووصلنا الى المدرسة و استقبلونا أحسن استقبال

دخلنا اولا الى حجرة الحاسب و جاءت ا/ تهاني و هي والدة احدى صديقاتى لترحب بنا

بعد قليل صعدنا الى المكتبة و قابلنا طلاب مدرسة الفتح و تعرفنا عليهم و على مدرس من مدرسة الفتح و أخد يتناقش معنا و يسالنا بعض الأسئلة

بعد ذلك قم لنا تلاميذ المدرسة بعض الأنشطة الفنية و قد تركنا ا/محمد و غادر المدرسة

و بعد ان انتهينا من هذا اليوم الجميل الذي استفدنا جميعا منه اعطونا بعض الهدايا الرمزية و سلمنا عليم وودعناهم و قلنا لهم نتمنى ان نلقاكم قريبا في مدرستنا

صور تلاميذ مدرسة الشهيد النجار بقحافة

حفلة عيد الأم

تم اقامة هذا الحفل بمدرسة (سعيد القدح ) بنواج
:بمناسبة عيد الأم و ذلك تحت رعاية ناظر المدرسة
ا/ محسن الشرقاوى
و قد قمت بعمل هذا الكليب من الحفلة
و اهديه الى طلبة المدرسة الذين افتقدهم فعلا
و اشكر كل من شارك ف اعداد هذا الحفل

صور تلاميذ مدرسة سعيد القدح بنواج